Grao en Enxeñaría dos Recursos Mineiros e Enerxéticos

 

⁽¹⁾ Ord: convocatoria ordinaria, Ext: convocatoria extraordinaria. Nota de acceso do curso 2024/2025
⁽²⁾ Importe dos créditos ECTS do primeiro curso. Taxas non incluídas

 

Descrición

O grado en Enxeñaría dos Recursos Mineiros e Enerxéticos ten por obxectivo proporcionar a formación e as competencias necesarias para o exercicio da profesión regulada de enxeñaría técnica en minas. Son tres as tecnoloxías que se ofertan: “Recursos Enerxéticos, Combustibles e Explosivos”, “Explotación de Minas” e “Mineralurxia e Metalurxia”.
O grao afonda na formación relativa á investigación e explotación dos recursos mineiros (rocas e minerais, espazos subterráneos, augas…). Ademais, proporciona a formación axeitada no ámbito correspondente á transformación e uso destes recursos na industria: produción e uso de materiais metálicos, aceiros, polímeros e compostos.
Todas estas actividades deben ser realizadas polo futuro profesional de forma segura, rendible e compatible co medioambiente, o que xustifica que o plan de estudos contemple materias de carácter transversal de economía e empresas, seguridade e prevención de riscos e medioambiente.

Mencións

• Recursos Enerxéticos, combustibles e explosivos
• Explotación de minas
• Mineralurxia e metalurxia

Perfil de Ingreso

Interese por estudos de enxeñaría multidisciplinar relacionados con recursos mineiros, enerxéticos e materiais no marco da sustentabilidade.

Acceso e admisión

• Bacharelato con ABAU superada
• Ciclos formativos de grao superior
• Proba de acceso para maiores de 25 ou 45 anos
• Titulación universitaria previa

Saídas Profesionais

A persoa graduada en Enxeñaría dos Recursos Mineiros e Enerxéticos poderá desenvolver a súa actividade profesional nos seguintes sectores:

• Xestión de recursos e protección do medioambiente
• Xeración, transformación e transporte de enerxía: centrais térmicas e hidráulicas, ciclos combinados, centrais nucleares, enerxía eólica, enerxía solar, enerxía xeotérmica e outras enerxías
• Explosivos, demolición e obra civil, extracción de materias primas, plantas de tratamento, reciclaxe
• Metalurxia, materiais tradicionais (aceiros, metais, materiais de construción) e novos materiais
• Explotación, prospección e explotación de recursos xeolóxicos e minerais: combustibles fósiles (carbón, petróleo e gas), minerais, rocas, auga, espazos subterráneos