Grao en Química

⁽¹⁾ Ord: convocatoria ordinaria, Ext: convocatoria extraordinaria. Nota de acceso do curso 2025/2026
⁽²⁾ Importe dos créditos ECTS do primeiro curso. Taxas non incluídas
⁽³⁾ Bonificación equivalente ao 99% do prezo en primeira matrícula segundo decreto da Xunta de Galicia

Descrición

Pretende formar a profesionais do sector da industria química. Neste sector, que en España representa o cuarto sector industrial en importancia (aprox. 10%), os/ as profesionais desempeñan tarefas de investigación, desenvolvemento, deseño, enxeñaría e control de procesos en diversos ámbitos (empresas da madeira, petroquímicas, siderúrxicas, alimentario, farmacéutico, industria cosmética etc.).

Perfil de Ingreso

Aínda que a facultade de Química non ten definido un perfil idóneo de acceso á titulación, é moi recomendable ter cursado as materias de Química, Física e Matemáticas en segundo de Bacharelato (non é sempre posible xa que non son compatibles en todos os centros de secundaria) Ademais, é aconsellable ingresar na titulación con capacidade de abstracción e de razoamento científico, xunto con capacidade de traballo continuado para poder progresar adecuadamente na adquisición de coñecementos e habilidades.

Acceso e admisión

• Bacharelato con ABAU superada
• Ciclos formativos de grao superior
• Proba de acceso para maiores de 25, 40 ou 45 anos
• Titulación universitaria previa

Saídas Profesionais

• Traballo de químico/química en organismos do estado, en municipios ou provincias
• Químicos/as en monopolios e empresas dependentes, incluso indirectamente, do Estado no que se requira esta función
• Químicos/as en institutos de hixiene
• Químicos/as de aduanas
• Químicos/as de empresas privadas
• Químicos/as en laboratorios oficiais
• Ensino secundario, universitario e investigación